นิยตทุกกุสลัตติกะ

Niyataṃ kusalaṃ dhammaṃ paṭicca niyato kusalo dhammo uppajjati hetupaccayā: . aniyataṃ kusalaṃ dhammaṃ paṭicca aniyato kusalo dhammo uppajjati hetupaccayā:.

Hetuyā dve ārammaṇe dve. Lokiyalokuttaradukakusalasadisaṃ. Sahajātavāropi pañhāvāropi vitthāretabbā.

Niyataṃ akusalaṃ dhammaṃ paṭicca niyato akusalo dhammo uppajjati hetupaccayā: . aniyataṃ akusalaṃ dhammaṃ paṭicca aniyato akusalo dhammo uppajjati hetupaccayā:.

Hetuyā dve ārammaṇe dve sabbattha dve avigate dve.

Nahetuyā ekaṃ naadhipatiyā dve napurejāte ekaṃ nakamme dve .pe. Navippayutte ekaṃ. Sahajātavārādi vitthāretabbaṃ.

Niyato akusalo dhammo niyatassa akusalassa dhammassa hetupaccayena paccayo: . aniyato akusalo dhammo aniyatassa akusalassa dhammassa hetupaccayena paccayo:.

Hetuyā dve ārammaṇe tīṇi . adhipatiyā dve: Niyate sahajātādhipati dutiye ārammaṇādhipati sahajātādhipati . Anantare dve .pe. upanissaye cattāri āsevane dve kamme dve avigate dve .pe.

Aniyataṃ abyākataṃ dhammaṃ paṭicca aniyato abyākato dhammo uppajjati hetupaccayā:.

Hetuyā ekaṃ ārammaṇe ekaṃ. Sahajātavārepi pañhāvārepi sabbattha ekaṃ. Niyatadukakusalattikaṃ niṭṭhitaṃ. ---------