กุสลัตติกนเหตุสเหตุกทุกะ

Kusalaṃ nahetuṃ sahetukaṃ dhammaṃ paṭicca kusalo nahetu sahetuko dhammo uppajjati hetupaccayā: . akusalaṃ nahetuṃ sahetukaṃ dhammaṃ paṭicca akusalo nahetu sahetuko dhammo uppajjati hetupaccayā: . Abyākataṃ nahetuṃ sahetukaṃ dhammaṃ paṭicca abyākato nahetu sahetuko dhammo uppajjati hetupaccayā:.

Hetuyā tīṇi ārammaṇe tīṇi avigate tīṇi.

Naadhipatiyā tīṇi. Sahajātavāropi sampayuttavāropi paṭiccavārasadisā.

Kusalo nahetu sahetuko dhammo kusalassa nahetussa sahetukassa dhammassa ārammaṇapaccayena paccayo: tīṇi . akusalo nahetu sahetuko dhammo akusalassa nahetussa sahetukassa dhammassa ārammaṇapaccayena paccayo: tīṇi . abyākato nahetu sahetuko dhammo abyākatassa nahetussa sahetukassa dhammassa ārammaṇapaccayena paccayo: tīṇi.

Ārammaṇe nava adhipatiyā satta anantare satta upanissaye nava avigate tīṇi.

Nahetuyā nava naārammaṇe nava.

Ārammaṇapaccayā nahetuyā nava.

Nahetupaccayā ārammaṇe nava. Yathā kusalattike pañhāvārampi evaṃ vitthāretabbaṃ.

Abyākataṃ nahetuṃ sahetukaṃ dhammaṃ paṭicca abyākato nahetu sahetuko dhammo uppajjati hetupaccayā:.

Hetuyā ekaṃ ārammaṇe ekaṃ avigate ekaṃ.

Nahetuyā ekaṃ novigate ekaṃ. Sahajātavāropi sampayuttavāropi paṭiccavārasadisā.

Abyākato nahetu ahetuko dhammo abyākatassa nahetussa ahetukassa dhammassa ārammaṇapaccayena paccayo:.

Ārammaṇe ekaṃ adhipatiyā ekaṃ avigate ekaṃ. Yathā kusalattike pañhāvārampi evaṃ vitthāretabbaṃ. Kusalattikanahetusahetukadukaṃ niṭṭhitaṃ. --------