กุสลัตติกอาสวทุกะ

อกุสลํ อาสวํ ธมฺมํ ปฏิจฺจ อกุสโล อาสโว ธมฺโม อุปฺปชฺชติ เหตุปจฺจยา: ฯ

เหตุยา เอกํ อวิคเต เอกํ ฯ สหชาตวาเรปิ สมฺปยุตฺตวาเรปิ ปญฺหาวาเรปิ สพฺพตฺถ เอกํ ฯ

กุสลํ โนอาสวํ ธมฺมํ ปฏิจฺจ กุสโล โนอาสโว ธมฺโม อุปฺปชฺชติ เหตุปจฺจยา: กุสลํ โนอาสวํ ธมฺมํ ปฏิจฺจ อพฺยากโต โนอาสโว ธมฺโม อุปฺปชฺชติ เหตุปจฺจยา: กุสลํ โนอาสวํ ธมฺมํ ปฏิจฺจ กุสโล โนอาสโว จ อพฺยากโต โนอาสโว จ ธมฺมา อุปฺปชฺชนฺติ เหตุปจฺจยา: ฯ อกุสลํ โนอาสวํ ธมฺมํ ปฏิจฺจ อกุสโล โนอาสโว ธมฺโม อุปฺปชฺชติ เหตุปจฺจยา: ตีณิ ฯ อพฺยากตํ โนอาสวํ ธมฺมํ ปฏิจฺจ อพฺยากโต โนอาสโว ธมฺโม อุปฺปชฺชติ เหตุปจฺจยา: ฯ กุสลํ โนอาสวญฺจ อพฺยากตํ โนอาสวญฺจ ธมฺมํ ปฏิจฺจ อพฺยากโต โนอาสโว ธมฺโม อุปฺปชฺชติ เหตุปจฺจยา: ฯ อกุสลํ โนอาสวญฺจ อพฺยากตํ โนอาสวญฺจ ธมฺมํ ปฏิจฺจ อพฺยากโต โนอาสโว ธมฺโม อุปฺปชฺชติ เหตุปจฺจยา: ฯ

กุสลํ โนอาสวํ ธมฺมํ ปฏิจฺจ กุสโล โนอาสโว ธมฺโม อุปฺปชฺชติ อารมฺมณปจฺจยา: ฯ อกุสลํ โนอาสวํ ธมฺมํ ปฏิจฺจ อกุสโล โนอาสโว ธมฺโม อุปฺปชฺชติ อารมฺมณปจฺจยา: ฯ อพฺยากตํ โนอาสวํ ธมฺมํ ปฏิจฺจ อพฺยากโต โนอาสโว ธมฺโม อุปฺปชฺชติ อารมฺมณปจฺจยา: ฯ

เหตุยา นว อารมฺมเณ ตีณิ อธิปติยา นว อวิคเต นว ฯ

นเหตุยา เอกํ นอารมฺมเณ ปญฺจ นอธิปติยา นว ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

กุสโล โนอาสโว ธมฺโม กุสลสฺส โนอาสวสฺส ธมฺมสฺส เหตุปจฺจเยน ปจฺจโย: ตีณิ ฯ อกุสโล โนอาสโว ธมฺโม อกุสลสฺส โนอาสวสฺส ธมฺมสฺส เหตุปจฺจเยน ปจฺจโย: ตีณิ ฯ อพฺยากโต โนอาสโว ธมฺโม อพฺยากตสฺส โนอาสวสฺส ธมฺมสฺส เหตุปจฺจเยน ปจฺจโย: ฯ

กุสโล โนอาสโว ธมฺโม กุสลสฺส โนอาสวสฺส ธมฺมสฺส อารมฺมณปจฺจเยน ปจฺจโย: ฯ

เหตุยา สตฺต อารมฺมเณ นว อธิปติยา ทส อวิคเต เตรส ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ กุสลตฺติกอาสวทุกํ นิฏฺฐิตํ ฯ ______________ กุสลตฺติกสาสวทุกํ