กุสลัตติกอาสวทุกะ

Akusalaṃ āsavaṃ dhammaṃ paṭicca akusalo āsavo dhammo uppajjati hetupaccayā:.

Hetuyā ekaṃ avigate ekaṃ . Sahajātavārepi sampayuttavārepi pañhāvārepi sabbattha ekaṃ.

Kusalaṃ noāsavaṃ dhammaṃ paṭicca kusalo noāsavo dhammo uppajjati hetupaccayā: kusalaṃ noāsavaṃ dhammaṃ paṭicca abyākato noāsavo dhammo uppajjati hetupaccayā: kusalaṃ noāsavaṃ dhammaṃ paṭicca kusalo noāsavo ca abyākato noāsavo ca dhammā uppajjanti hetupaccayā: . akusalaṃ noāsavaṃ dhammaṃ paṭicca akusalo noāsavo dhammo uppajjati hetupaccayā: tīṇi . Abyākataṃ noāsavaṃ dhammaṃ paṭicca abyākato noāsavo dhammo uppajjati hetupaccayā: . kusalaṃ noāsavañca abyākataṃ noāsavañca dhammaṃ paṭicca abyākato noāsavo dhammo uppajjati hetupaccayā: . Akusalaṃ noāsavañca abyākataṃ noāsavañca dhammaṃ paṭicca abyākato noāsavo dhammo uppajjati hetupaccayā:.

Kusalaṃ noāsavaṃ dhammaṃ paṭicca kusalo noāsavo dhammo uppajjati ārammaṇapaccayā: . akusalaṃ noāsavaṃ dhammaṃ paṭicca akusalo noāsavo dhammo uppajjati ārammaṇapaccayā: . abyākataṃ noāsavaṃ dhammaṃ paṭicca abyākato noāsavo dhammo uppajjati ārammaṇapaccayā:.

Hetuyā nava ārammaṇe tīṇi adhipatiyā nava avigate nava.

Nahetuyā ekaṃ naārammaṇe pañca naadhipatiyā nava. Sahajātavāropi sampayuttavāropi paṭiccavārasadisā.

Kusalo noāsavo dhammo kusalassa noāsavassa dhammassa hetupaccayena paccayo: tīṇi . akusalo noāsavo dhammo akusalassa noāsavassa dhammassa hetupaccayena paccayo: tīṇi . abyākato noāsavo dhammo abyākatassa noāsavassa dhammassa hetupaccayena paccayo:.

Kusalo noāsavo dhammo kusalassa noāsavassa dhammassa ārammaṇapaccayena paccayo:.

Hetuyā satta ārammaṇe nava adhipatiyā dasa avigate terasa. Yathā kusalattike pañhāvārampi evaṃ vitthāretabbaṃ. Kusalattikaāsavadukaṃ niṭṭhitaṃ. ---------