กุสลัตติกอัชฒัตติกทุกะ

[๗๐๖] อพฺยากตํ อชฺฌตฺติกํ ธมฺมํ ปฏิจฺจ อพฺยากโต อชฺฌตฺติโก ธมฺโม อุปฺปชฺชติ เหตุปจฺจยา: ฯ

[๗๐๗] เหตุยา เอกํ สหชาเต เอกํ อวิคเต เอกํ ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

[๗๐๘] กุสโล อชฺฌตฺติโก ธมฺโม กุสลสฺส อชฺฌตฺติกสฺส ธมฺมสฺส อารมฺมณปจฺจเยน ปจฺจโย: กุสโล อชฺฌตฺติโก ธมฺโม อกุสลสฺส อชฺฌตฺติกสฺส ธมฺมสฺส อารมฺมณปจฺจเยน ปจฺจโย: กุสโล อชฺฌตฺติโก ธมฺโม อพฺยากตสฺส อชฺฌตฺติกสฺส ธมฺมสฺส อารมฺมณปจฺจเยน ปจฺจโย: ฯ อกุสโล อชฺฌตฺติโก ธมฺโม อกุสลสฺส อชฺฌตฺติกสฺส ธมฺมสฺส อารมฺมณปจฺจเยน ปจฺจโย: ตีณิ ฯ อพฺยากโต อชฺฌตฺติโก ธมฺโม อพฺยากตสฺส อชฺฌตฺติกสฺส ธมฺมสฺส อารมฺมณปจฺจเยน ปจฺจโย: ตีณิ ฯ

[๗๐๙] อารมฺมเณ นว ปุเรชาเต ตีณิ อวิคเต ปญฺจ ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ

[๗๑๐] กุสลํ พาหิรํ ธมฺมํ ปฏิจฺจ กุสโล พาหิโร ธมฺโม อุปฺปชฺชติ เหตุปจฺจยา: ฯ

[๗๑๑] เหตุยา นว อารมฺมเณ ตีณิ อวิคเต นว ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

[๗๑๒] กุสโล พาหิโร ธมฺโม กุสลสฺส พาหิรสฺส ธมฺมสฺส เหตุปจฺจเยน ปจฺจโย: ฯ

[๗๑๓] เหตุยา สตฺต อารมฺมเณ นว อวิคเต เตรส ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ กุสลตฺติกอชฺฌตฺติกทุกํ นิฏฺฐิตํ ฯ _________ กุสลตฺติกอุปาทาทุกํ