กุสลัตติกอัชฒัตติกทุกะ

Abyākataṃ ajjhattikaṃ dhammaṃ paṭicca abyākato ajjhattiko dhammo uppajjati hetupaccayā:.

Hetuyā ekaṃ sahajāte ekaṃ avigate ekaṃ. Sahajātavāropi sampayuttavāropi paṭiccavārasadisā.

Kusalo ajjhattiko dhammo kusalassa ajjhattikassa dhammassa ārammaṇapaccayena paccayo: kusalo ajjhattiko dhammo akusalassa ajjhattikassa dhammassa ārammaṇapaccayena paccayo: kusalo ajjhattiko dhammo abyākatassa ajjhattikassa dhammassa ārammaṇapaccayena paccayo: . akusalo ajjhattiko dhammo akusalassa ajjhattikassa dhammassa ārammaṇapaccayena paccayo: tīṇi . abyākato ajjhattiko dhammo abyākatassa ajjhattikassa dhammassa ārammaṇapaccayena paccayo: tīṇi.

Ārammaṇe nava purejāte tīṇi avigate pañca. Yathā kusalattike pañhāvārampi evaṃ vitthāretabbaṃ.

Kusalaṃ bāhiraṃ dhammaṃ paṭicca kusalo bāhiro dhammo uppajjati hetupaccayā:.

Hetuyā nava ārammaṇe tīṇi avigate nava. Sahajātavāropi sampayuttavāropi paṭiccavārasadisā.

Kusalo bāhiro dhammo kusalassa bāhirassa dhammassa hetupaccayena paccayo:.

Hetuyā satta ārammaṇe nava avigate terasa. Yathā kusalattike pañhāvārampi evaṃ vitthāretabbaṃ. Kusalattikaajjhattikadukaṃ niṭṭhitaṃ. -------