กุสลัตติกกามาวจรทุกะ

[๘๑๒] กุสลํ กามาวจรํ ธมฺมํ ปฏิจฺจ กุสโล กามาวจโร ธมฺโม อุปฺปชฺชติ เหตุปจฺจยา: กุสลํ กามาวจรํ ธมฺมํ ปฏิจฺจ อพฺยากโต กามาวจโร ธมฺโม อุปฺปชฺชติ เหตุปจฺจยา: กุสลํ กามาวจรํ ธมฺมํ ปฏิจฺจ กุสโล กามาวจโร จ อพฺยากโต กามาวจโร จ ธมฺมา อุปฺปชฺชนฺติ เหตุปจฺจยา: ฯ อกุสลํ กามาวจรํ ธมฺมํ ปฏิจฺจ อกุสโล กามาวจโร ธมฺโม อุปฺปชฺชติ เหตุปจฺจยา: ตีณิ ฯ อพฺยากตํ กามาวจรํ ธมฺมํ ปฏิจฺจ อพฺยากโต กามาวจโร ธมฺโม อุปฺปชฺชติ เหตุปจฺจยา: ฯ กุสลํ กามาวจรญฺจ อพฺยากตํ กามาวจรญฺจ ธมฺมํ ปฏิจฺจ อพฺยากโต กามาวจโร ธมฺโม อุปฺปชฺชติ เหตุปจฺจยา: ฯ อกุสลํ กามาวจรญฺจ อพฺยากตํ กามาวจรญฺจ ธมฺมํ ปฏิจฺจ อพฺยากโต กามาวจโร ธมฺโม อุปฺปชฺชติ เหตุปจฺจยา: ฯ

[๘๑๓] เหตุยา นว อารมฺมเณ ตีณิ อวิคเต นว ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

[๘๑๔] กุสโล กามาวจโร ธมฺโม กุสลสฺส กามาวจรสฺส ธมฺมสฺส เหตุปจฺจเยน ปจฺจโย: ตีณิ ฯ อกุสโล กามาวจโร ธมฺโม อกุสลสฺส กามาวจรสฺส ธมฺมสฺส เหตุปจฺจเยน ปจฺจโย: ตีณิ ฯ อพฺยากโต กามาวจโร ธมฺโม อพฺยากตสฺส กามาวจรสฺส ธมฺมสฺส เหตุปจฺจเยน ปจฺจโย: ฯ

[๘๑๕] เหตุยา สตฺต อารมฺมเณ นว อธิปติยา นว อวิคเต เตรส ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ

[๘๑๖] กุสลํ นกามาวจรํ ธมฺมํ ปฏิจฺจ กุสโล นกามาวจโร ธมฺโม อุปฺปชฺชติ เหตุปจฺจยา: ฯ อพฺยากตํ นกามาวจรํ ธมฺมํ ปฏิจฺจ อพฺยากโต นกามาวจโร ธมฺโม อุปฺปชฺชติ เหตุปจฺจยา: ฯ

[๘๑๗] เหตุยา เทฺว อารมฺมเณ เทฺว อวิคเต เทฺว ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

[๘๑๘] กุสโล นกามาวจโร ธมฺโม กุสลสฺส นกามาวจรสฺส ธมฺมสฺส เหตุปจฺจเยน ปจฺจโย: ฯ อพฺยากโต นกามาวจโร ธมฺโม อพฺยากตสฺส นกามาวจรสฺส ธมฺมสฺส เหตุปจฺจเยน ปจฺจโย: ฯ

[๘๑๙] กุสโล นกามาวจโร ธมฺโม กุสลสฺส นกามาวจรสฺส ธมฺมสฺส อารมฺมณปจฺจเยน ปจฺจโย: กุสโล นกามาจโร ธมฺโม อพฺยากตสฺส นกามาวจรสฺส ธมฺมสฺส อารมฺมณปจฺจเยน ปจฺจโย: ฯ อพฺยากโต นกามาวจโร ธมฺโม อพฺยากตสฺส นกามาวจรสฺส ธมฺมสฺส อารมฺมณปจฺจเยน ปจฺจโย: อพฺยากโต นกามาวจโร ธมฺโม กุสลสฺส นกามาวจรสฺส ธมฺมสฺส อารมฺมณปจฺจเยน ปจฺจโย: ฯ

[๘๒๐] เหตุยา เทฺว อารมฺมเณ จตฺตาริ อธิปติยา ตีณิ อวิคเต เทฺว ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ กุสลตฺติกกามาวจรทุกํ นิฏฺฐิตํ ฯ __________ กุสลตฺติกรูปาวจรทุกํ