กุสลัตติกกามาวจรทุกะ

Kusalaṃ kāmāvacaraṃ dhammaṃ paṭicca kusalo kāmāvacaro dhammo uppajjati hetupaccayā: kusalaṃ kāmāvacaraṃ dhammaṃ paṭicca abyākato kāmāvacaro dhammo uppajjati hetupaccayā: kusalaṃ kāmāvacaraṃ dhammaṃ paṭicca kusalo kāmāvacaro ca abyākato kāmāvacaro ca dhammā uppajjanti hetupaccayā: . akusalaṃ kāmāvacaraṃ dhammaṃ paṭicca akusalo kāmāvacaro dhammo uppajjati hetupaccayā: tīṇi . Abyākataṃ kāmāvacaraṃ dhammaṃ paṭicca abyākato kāmāvacaro dhammo uppajjati hetupaccayā: . kusalaṃ kāmāvacarañca abyākataṃ kāmāvacarañca dhammaṃ paṭicca abyākato kāmāvacaro dhammo uppajjati hetupaccayā: . akusalaṃ kāmāvacarañca abyākataṃ kāmāvacarañca Dhammaṃ paṭicca abyākato kāmāvacaro dhammo uppajjati hetupaccayā:.

Hetuyā nava ārammaṇe tīṇi avigate nava. Sahajātavāropi sampayuttavāropi paṭiccavārasadisā.

Kusalo kāmāvacaro dhammo kusalassa kāmāvacarassa dhammassa hetupaccayena paccayo: tīṇi . akusalo kāmāvacaro dhammo akusalassa kāmāvacarassa dhammassa hetupaccayena paccayo: tīṇi . abyākato kāmāvacaro dhammo abyākatassa kāmāvacarassa dhammassa hetupaccayena paccayo:.

Hetuyā satta ārammaṇe nava adhipatiyā nava avigate terasa. Yathā kusalattike pañhāvārampi evaṃ vitthāretabbaṃ.

Kusalaṃ nakāmāvacaraṃ dhammaṃ paṭicca kusalo nakāmāvacaro dhammo uppajjati hetupaccayā: . abyākataṃ nakāmāvacaraṃ dhammaṃ paṭicca abyākato nakāmāvacaro dhammo uppajjati hetupaccayā:.

Hetuyā dve ārammaṇe dve avigate dve. Sahajātavāropi sampayuttavāropi paṭiccavārasadisā.

Kusalo nakāmāvacaro dhammo kusalassa nakāmāvacarassa dhammassa hetupaccayena paccayo: . abyākato nakāmāvacaro dhammo abyākatassa nakāmāvacarassa dhammassa hetupaccayena paccayo:.

Kusalo nakāmāvacaro dhammo kusalassa nakāmāvacarassa dhammassa ārammaṇapaccayena paccayo: kusalo nakāmācaro dhammo abyākatassa nakāmāvacarassa dhammassa ārammaṇapaccayena paccayo: . Abyākato nakāmāvacaro dhammo abyākatassa nakāmāvacarassa dhammassa ārammaṇapaccayena paccayo: abyākato nakāmāvacaro dhammo kusalassa nakāmāvacarassa dhammassa ārammaṇapaccayena paccayo:.

Hetuyā dve ārammaṇe cattāri adhipatiyā tīṇi avigate dve. Yathā kusalattike pañhāvārampi evaṃ vitthāretabbaṃ. Kusalattikakāmāvacaradukaṃ niṭṭhitaṃ. --------