กุสลัตติกปริตัตติกะ

กุสลํ ปริตฺตํ ธมฺมํ ปฏิจฺจ กุสโล ปริตฺโต ธมฺโม อุปฺปชฺชติ เหตุปจฺจยา: กุสลํ ปริตฺตํ ธมฺมํ ปฏิจฺจ อพฺยากโต ปริตฺโต ธมฺโม อุปฺปชฺชติ เหตุปจฺจยา: กุสลํ ปริตฺตํ ธมฺมํ ปฏิจฺจ กุสโล ปริตฺโต จ อพฺยากโต ปริตฺโต จ ธมฺมา อุปฺปชฺชนฺติ เหตุปจฺจยา: ฯ อกุสลํ ปริตฺตํ ธมฺมํ ปฏิจฺจ อกุสโล ปริตฺโต ธมฺโม อุปฺปชฺชติ เหตุปจฺจยา: ตีณิ ฯ อพฺยากตํ ปริตฺตํ ธมฺมํ ปฏิจฺจ อพฺยากโต ปริตฺโต ธมฺโม อุปฺปชฺชติ เหตุปจฺจยา: ฯ กุสลํ ปริตฺตญฺจ อพฺยากตํ ปริตฺตญฺจ ธมฺมํ ปฏิจฺจ อพฺยากโต ปริตฺโต ธมฺโม อุปฺปชฺชติ เหตุปจฺจยา: ฯ อกุสลํ ปริตฺตญฺจ อพฺยากตํ ปริตฺตญฺจ ธมฺมํ ปฏิจฺจ อพฺยากโต ปริตฺโต ธมฺโม อุปฺปชฺชติ เหตุปจฺจยา: ฯ

เหตุยา นว อารมฺมเณ ตีณิ อวิคเต นว ฯ สหชาตวารมฺปิ สมฺปยุตฺตวารมฺปิ ปฏิจฺจวารสทิสํ ฯ

กุสโล ปริตฺโต ธมฺโม กุสลสฺส ปริตฺตสฺส ธมฺมสฺส เหตุปจฺจเยน ปจฺจโย: ตีณิ ฯ อกุสโล ปริตฺโต ธมฺโม อกุสลสฺส ปริตฺตสฺส ธมฺมสฺส เหตุปจฺจเยน ปจฺจโย: ตีณิ ฯ อพฺยากโตช ปริตฺโต ธมฺโม อพฺยากตสฺส ปริตฺตสฺส ธมฺมสฺส เหตุปจฺจเยน ปจฺจโย: ฯ

กุสโล ปริตฺโต ธมฺโม กุสลสฺส ปริตฺตสฺส ธมฺมสฺส อารมฺมณปจฺจเยน ปจฺจโย: ฯ

เหตุยา สตฺต อารมฺมเณ นว อวิคเต เตรส ฯ ยถา กุสลตฺติเก ปญฺหาวารํ เอวํ วิตฺถาเรตพฺพํ ฯ

กุสลํ มหคฺคตํ ธมฺมํ ปฏิจฺจ กุสโล มหคฺคโต ธมฺโม อุปฺปชฺชติ เหตุปจฺจยา: ฯ อพฺยากตํ มหคฺคตํ ธมฺมํ ปฏิจฺจ อพฺยากโต มหคฺคโต ธมฺโม อุปฺปชฺชติ เหตุปจฺจยา: ฯ

เหตุยา เทฺว อารมฺมเณ เทฺว อวิคเต เทฺว ฯ สหชาตวาเรปิ ปญฺหาวาเรปิ สพฺพตฺถ วิตฺถาโร ฯ

กุสลํ อปฺปมาณํ ธมฺมํ ปฏิจฺจ กุสโล อปฺปมาโณ ธมฺโม อุปฺปชฺชติ เหตุปจฺจยา: ฯ อพฺยากตํ อปฺปมาณํ ธมฺมํ ปฏิจฺจ อพฺยากโต อปฺปมาโณ ธมฺโม อุปฺปชฺชติ เหตุปจฺจยา: ฯ

เหตุยา เทฺว อวิคเต เทฺว ฯ สหชาตวาเรปิ ปญฺหาวาเรปิ สพฺพตฺถ วิตฺถาโร ฯ กุสลตฺติกปริตฺตตฺติกํ นิฏฺฐิตํ ฯ ________________________ กุสลตฺติกปริตฺตารมฺมณตฺติกํ