กุสลัตติกปริตัตติกะ

Kusalaṃ parittaṃ dhammaṃ paṭicca kusalo paritto dhammo uppajjati hetupaccayā: kusalaṃ parittaṃ dhammaṃ paṭicca abyākato paritto dhammo uppajjati hetupaccayā: kusalaṃ parittaṃ dhammaṃ paṭicca kusalo paritto ca abyākato paritto ca dhammā uppajjanti hetupaccayā: . akusalaṃ parittaṃ dhammaṃ paṭicca akusalo paritto dhammo uppajjati hetupaccayā: tīṇi . abyākataṃ parittaṃ dhammaṃ paṭicca abyākato paritto dhammo uppajjati hetupaccayā: . kusalaṃ parittañca abyākataṃ parittañca dhammaṃ paṭicca abyākato paritto dhammo uppajjati hetupaccayā: . akusalaṃ parittañca abyākataṃ parittañca dhammaṃ paṭicca abyākato paritto dhammo uppajjati hetupaccayā:.

Hetuyā nava ārammaṇe tīṇi avigate nava. Sahajātavārampi sampayuttavārampi paṭiccavārasadisaṃ.

Kusalo paritto dhammo kusalassa parittassa dhammassa hetupaccayena paccayo: tīṇi . akusalo paritto dhammo akusalassa Parittassa dhammassa hetupaccayena paccayo: tīṇi . abyākato paritto dhammo abyākatassa parittassa dhammassa hetupaccayena paccayo:.

Kusalo paritto dhammo kusalassa parittassa dhammassa ārammaṇapaccayena paccayo:.

Hetuyā satta ārammaṇe nava avigate terasa. Yathā kusalattike pañhāvāraṃ evaṃ vitthāretabbaṃ.

Kusalaṃ mahaggataṃ dhammaṃ paṭicca kusalo mahaggato dhammo uppajjati hetupaccayā: . abyākataṃ mahaggataṃ dhammaṃ paṭicca abyākato mahaggato dhammo uppajjati hetupaccayā:.

Hetuyā dve ārammaṇe dve avigate dve. Sahajātavārepi pañhāvārepi sabbattha vitthāro.

Kusalaṃ appamāṇaṃ dhammaṃ paṭicca kusalo appamāṇo dhammo uppajjati hetupaccayā: . abyākataṃ appamāṇaṃ dhammaṃ paṭicca abyākato appamāṇo dhammo uppajjati hetupaccayā:.

Hetuyā dve avigate dve. Sahajātavārepi pañhāvārepi sabbattha vitthāro. Kusalattikaparittattikaṃ niṭṭhitaṃ. -----------------