อุปาทานิยทุกกุสลัตติกะ

[๑๕๖๕] อุปาทานิยํ กุสลํ ธมฺมํ ปฏิจฺจ อุปาทานิโย กุสโล ธมฺโม อุปฺปชฺชติ เหตุปจฺจยา: ฯ อนุปาทานิยํ กุสลํ ธมฺมํ ปฏิจฺจ อนุปาทานิโย กุสโล ธมฺโม อุปฺปชฺชติ เหตุปจฺจยา: ฯ

[๑๕๖๖] เหตุยา เทฺว อารมฺมเณ เทฺว อวิคเต เทฺว ฯ โลกิยโลกุตฺตรทุกกุสลสทิสํ ฯ สหชาตวาโรปิ ปญฺหาวาโรปิ วิตฺถาเรตพฺพา ฯ _________ ปฏิจฺจวาโร

[๑๕๖๗] อุปาทานิยํ อกุสลํ ธมฺมํ ปฏิจฺจ อุปาทานิโย อกุสโล ธมฺโม อุปฺปชฺชติ เหตุปจฺจยา ฯ

[๑๕๖๘] เหตุยา เอกํ อารมฺมเณ เอกํ อวิคเต เอกํ ฯ สหชาตวาเรปิ ปญฺหาวาเรปิ สพฺพตฺถ เอกํ ฯ ______________ ปฏิจฺจวาโร

[๑๕๖๙] อุปาทานิยํ อพฺยากตํ ธมฺมํ ปฏิจฺจ อุปาทานิโย อพฺยากโต ธมฺโม อุปฺปชฺชติ เหตุปจฺจยา: ฯ อนุปาทานิยํ อพฺยากตํ ธมฺมํ ปฏิจฺจ อนุปาทานิโย อพฺยากโต ธมฺโม อุปฺปชฺชติ เหตุปจฺจยา: อนุปาทานิยํ อพฺยากตํ ธมฺมํ ปฏิจฺจ อุปาทานิโย อพฺยากโต ธมฺโม อุปฺปชฺชติ เหตุปจฺจยา: อนุปาทานิยํ อพฺยากตํ ธมฺมํ ปฏิจฺจ อุปาทานิโย อพฺยากโต จ อนุปาทานิโย อพฺยากโต จ ธมฺมา อุปฺปชฺชนฺติ เหตุปจฺจยา: ฯ อุปาทานิยํ อพฺยากตญฺจ อนุปาทานิยํ อพฺยากตญฺจ ธมฺมํ ปฏิจฺจ อุปาทานิโย อพฺยากโต ธมฺโม อุปฺปชฺชติ เหตุปจฺจยา: ฯ

[๑๕๗๐] เหตุยา ปญฺจ อารมฺมเณ เทฺว อวิคเต ปญฺจ ฯ โลกิยโลกุตฺตรทุกอพฺยากตสทิสํ ฯ สหชาตวาโรปิ ปญฺหาวาโรปิ วิตฺถาเรตพฺพา ฯ อุปาทานิยทุกกุสลตฺติกํ นิฏฺฐิตํ ฯ ______________ อุปาทานสมฺปยุตฺตทุกกุสลตฺติกํ ปฏิจฺจวาโร