๘. มิคชาลเถรคาถา

|๓๕๔.๔๑๗| ๘ สุเทสิโต จกฺขุมตา พุทฺเธนาทิจฺจพนฺธุนา สพฺพสํโยชนาตีโต สพฺพวฏฺฏวินาสโน |๓๕๔.๔๑๘| นิยฺยานิโก อุตฺตรโณ ตณฺหามูลวิโสสโน วิสมูลํ อาฆาตนํ เภตฺวา ๒- ปาเปติ นิพฺพุตึ |๓๕๔.๔๑๙| อญฺญาณมูลเภทาย กมฺมยนฺตวิฆาฏโน วิญฺญาณานํ ปริคฺคเห ญาณวชิรนิปาตโน |๓๕๔.๔๒๐| เวทนานํ วิญฺญาปโน อุปาทานปฺปโมจโน ภวํ องฺคารกาสุํว ญาเณน อนุปสฺสโน ๓- |๓๕๔.๔๒๑| มหารโส สุคมฺภีโร ชรามจฺจุนิวารโณ @เชิงอรรถ: ๑ ม. ยุ. อนาทิยาโน ฯ ๒ ยุ. เฉตฺวา ฯ ๓ สี. ม. ยุ. อนุปสฺสโก ฯ อริโย อฏฺฐงฺคิโก มคฺโค ทุกฺขูปสมโน สิโว |๓๕๔.๔๒๒| กมฺมํ กมฺมนฺติ ญตฺวาน วิปากญฺจ วิปากโต ปฏิจฺจุปฺปนฺนธมฺมานํ ยถาวาโลกทสฺสโน มหาเขมงฺคโม สนฺโต ปริโยสานภทฺทโกติ ฯ มิคชาโล เถโร ฯ