๘. มิคชาลเถรคาถา

|354.417| 8 Sudesito cakkhumatā buddhenādiccabandhunā sabbasaṃyojanātīto sabbavaṭṭavināsano |354.418| niyyāniko uttaraṇo taṇhāmūlavisosano visamūlaṃ āghātanaṃ bhetvā 2- pāpeti nibbutiṃ |354.419| aññāṇamūlabhedāya kammayantavighāṭano viññāṇānaṃ pariggahe ñāṇavajiranipātano |354.420| vedanānaṃ viññāpano upādānappamocano bhavaṃ aṅgārakāsuṃva ñāṇena anupassano 3- |354.421| mahāraso sugambhīro jarāmaccunivāraṇo @Footnote: 1 Ma. Yu. anādiyāno . 2 Yu. chetvā . 3 Sī. Ma. Yu. anupassako. Ariyo aṭṭhaṅgiko maggo dukkhūpasamano sivo |354.422| kammaṃ kammanti ñatvāna vipākañca vipākato paṭiccuppannadhammānaṃ yathāvālokadassano mahākhemaṅgamo santo pariyosānabhaddakoti. Migajālo thero.