๔. เสตุทายกเถราปทาน

|54.16| Vipassino bhagavato caṅkamantassa sammukhā pasannacitto sumano setuṃ kārāpayiṃ ahaṃ. |54.17| Ekanavute ito kappe yaṃ setuṃ kārayiṃ ahaṃ duggatiṃ nābhijānāmi setudānassidaṃ phalaṃ. |54.18| Kilesā jhāpitā mayhaṃ bhavā sabbe samūhatā nāgova bandhanaṃ chetvā viharāmi anāsavo. |54.19| Svāgataṃ vata me āsi mama buddhassa santike tisso vijjā anuppattā kataṃ buddhassa sāsanaṃ. |54.20| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā setudāyako thero imā gāthāyo abhāsitthāti. Setudāyakattherassa apadānaṃ samattaṃ.