มัคคารัมมณัตติกสรณทุกะ

Maggārammaṇaṃ araṇaṃ dhammaṃ paṭicca maggārammaṇo araṇo dhammo uppajjati hetupaccayā: tīṇi . maggahetukaṃ araṇaṃ dhammaṃ paṭicca maggahetuko araṇo dhammo uppajjati hetupaccayā: tīṇi . maggādhipatiṃ araṇaṃ dhammaṃ paṭicca maggādhipati araṇo dhammo uppajjati hetupaccayā: pañca . maggārammaṇaṃ araṇañca maggādhipatiṃ araṇañca dhammaṃ paṭicca maggārammaṇo araṇo dhammo uppajjati hetupaccayā: tīṇi . maggahetukaṃ araṇañca maggādhipatiṃ Araṇañca dhammaṃ paṭicca maggahetuko araṇo dhammo uppajjati hetupaccayā: tīṇi.

Hetuyā sattarasa avigate sattarasa. Sahajātavāropi sampayuttavāropi paṭiccavārasadisā.

Maggārammaṇo araṇo dhammo maggārammaṇassa araṇassa dhammassa hetupaccayena paccayo: tīṇi . maggahetuko araṇo dhammo maggahetukassa araṇassa dhammassa hetupaccayena paccayo: tīṇi . maggādhipati araṇo dhammo maggādhipatissa araṇassa dhammassa hetupaccayena paccayo: pañca.

Hetuyā sattarasa ārammaṇe nava avigate sattarasa. Yathā kusalattike pañhāvārampi evaṃ vitthāretabbaṃ. Maggārammaṇattikasaraṇadukaṃ niṭṭhitaṃ. --------------