มัคคารัมมณัตติกสรณทุกะ

มคฺคารมฺมณํ อรณํ ธมฺมํ ปฏิจฺจ มคฺคารมฺมโณ อรโณ ธมฺโม อุปฺปชฺชติ เหตุปจฺจยา: ตีณิ ฯ มคฺคเหตุกํ อรณํ ธมฺมํ ปฏิจฺจ มคฺคเหตุโก อรโณ ธมฺโม อุปฺปชฺชติ เหตุปจฺจยา: ตีณิ ฯ มคฺคาธิปตึ อรณํ ธมฺมํ ปฏิจฺจ มคฺคาธิปติ อรโณ ธมฺโม อุปฺปชฺชติ เหตุปจฺจยา: ปญฺจ ฯ มคฺคารมฺมณํ อรณญฺจ มคฺคาธิปตึ อรณญฺจ ธมฺมํ ปฏิจฺจ มคฺคารมฺมโณ อรโณ ธมฺโม อุปฺปชฺชติ เหตุปจฺจยา: ตีณิ ฯ มคฺคเหตุกํ อรณญฺจ มคฺคาธิปตึ อรณญฺจ ธมฺมํ ปฏิจฺจ มคฺคเหตุโก อรโณ ธมฺโม อุปฺปชฺชติ เหตุปจฺจยา: ตีณิ ฯ

เหตุยา สตฺตรส อวิคเต สตฺตรส ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

มคฺคารมฺมโณ อรโณ ธมฺโม มคฺคารมฺมณสฺส อรณสฺส ธมฺมสฺส เหตุปจฺจเยน ปจฺจโย: ตีณิ ฯ มคฺคเหตุโก อรโณ ธมฺโม มคฺคเหตุกสฺส อรณสฺส ธมฺมสฺส เหตุปจฺจเยน ปจฺจโย: ตีณิ ฯ มคฺคาธิปติ อรโณ ธมฺโม มคฺคาธิปติสฺส อรณสฺส ธมฺมสฺส เหตุปจฺจเยน ปจฺจโย: ปญฺจ ฯ

เหตุยา สตฺตรส อารมฺมเณ นว อวิคเต สตฺตรส ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ มคฺคารมฺมณตฺติกสรณทุกํ นิฏฺฐิตํ ฯ ___________________ อุปฺปนฺนตฺติกสรณทุกํ