๑๐. อานันทสูตร

๑๐. อานนฺทสุตฺตวณฺณนา

ทสเม ๑- อุปสงฺกมีติ อญฺเญ ภิกฺขู ปญฺจกฺขนฺธกมฺมฏฺฐานํ กถาเปตฺวา ยุญฺชิตฺวา ฆเฏตฺวา อรหตฺตํ ปตฺวา สตฺถุ สนฺติเก อญฺญํ พฺยากโรนฺเต ทิสฺวา "อหมฺปิ ปญฺจกฺขนฺธกมฺมฏฺฐานํ กถาเปตฺวา ยุญฺชนฺโต ฆเฏนฺโต อรหตฺตํ ปตฺวา อญฺญํ พฺยากริสฺสามี"ติ จินฺเตตฺวา อุปสงฺกมิ. สตฺถา ปน อตฺตโน ธรมานกาเล เถรสฺส อุปริมคฺคตฺตยวชฺฌานํ กิเลสานํ ปหานํ อปสฺสนฺโตปิ "อิมสฺส จิตฺตํ คณฺหิสฺสามี"ติ กเถสิ. ตสฺสาปิ เอกํ เทฺว วาเร มนสิกตฺวาว พุทฺธุปฏฺฐานเวลา ชาตาติ คนฺตพฺพํ โหติ. อิติสฺส จิตฺตํ สมฺปหํสมาโน วิมุตฺติปริปาจนียธมฺโมว โส กมฺมฏฺฐานานุโยโค ชาโตติ. ทสมํ.

ทิฏฺฐิวคฺโค ปญฺจโม.

อุปริปณฺณาสโก ๒- นิฏฺฐิโต.

ขนฺธสํยุตฺตวณฺณนา นิฏฺฐิตา.

@เชิงอรรถ: ๑ ม. อานนฺทสุตฺเต ๒ สี., ม. จูฬปณฺณาสโก