๑๐. อานันทสูตร

10. Ānandasuttavaṇṇanā

Dasame 1- upasaṅkamīti aññe bhikkhū pañcakkhandhakammaṭṭhānaṃ kathāpetvā yuñjitvā ghaṭetvā arahattaṃ patvā satthu santike aññaṃ byākaronte disvā "ahampi pañcakkhandhakammaṭṭhānaṃ kathāpetvā yuñjanto ghaṭento arahattaṃ patvā aññaṃ byākarissāmī"ti cintetvā upasaṅkami. Satthā pana attano dharamānakāle therassa uparimaggattayavajjhānaṃ kilesānaṃ pahānaṃ apassantopi "imassa cittaṃ gaṇhissāmī"ti kathesi. Tassāpi ekaṃ dve vāre manasikatvāva buddhupaṭṭhānavelā jātāti gantabbaṃ hoti. Itissa cittaṃ sampahaṃsamāno vimuttiparipācanīyadhammova so kammaṭṭhānānuyogo jātoti. Dasamaṃ.

Diṭṭhivaggo pañcamo.

Uparipaṇṇāsako 2- niṭṭhito.

Khandhasaṃyuttavaṇṇanā niṭṭhitā.

@Footnote: 1 Ma. ānandasutte 2 Sī., Ma. cūḷapaṇṇāsako