๗. กาติยานเถรคาถา

|353.411| 7 Uṭṭhāhi nisīda kātiyāna mā niddābahulo 1- ahu jāgarassu mā taṃ alasaṃ pamattabandhu kūṭeneva jinātu maccurājā. |353.412| Seyyathāpi 1- mahāsamuddavego evaṃ jātijarātivattate taṃ so karohi sudīpamattano tvaṃ na hi tāṇaṃ tava vijjatedha 2- aññaṃ. |353.413| Satthā hi vijesi maggametaṃ saṅgā jātijarābhayā atītaṃ pubbāpararattamappamatto anuyuñjassu daḷhaṃ karohi yogaṃ. |353.414| Purimāni pamuñca bandhanāni saṅghāṭīkhuramuṇḍabhikkhabhojī mā khiḍḍāratiñca mā niddaṃ anuyuñjittha jhiyāya 3- kātiyāna. |353.415| Jhāyāhi jināhi kātiyāna @Footnote: 1 Sī. Yu. sayathāpi . 2 Ma. Yu. va . 3 Ma. jhāya. Yogakkhemapathe sukovidosi pappuyya anuttaraṃ visuddhiṃ parinibbāhisi vārināva joti. |353.416| Pajjotakaro parittaraṃso vātena vinamyate latāva evampi tuvaṃ anādiyamāno 1- māraṃ indasagotta niddhunāhi. So vedayitāsu vītarāgo kālaṃ kaṅkha idheva sītibhūtoti. Kātiyāno thero.