๑๑. นหาตกมุนีเถรคาถา

|357.435| 11 Vātarogābhinīto tvaṃ viharaṃ kānane vane paviṭṭhagocare 1- lūkhe kathaṃ bhikkhu karissasi. |357.436| Pītisukhena vipulena pharitvāna samussayaṃ lūkhampi abhisambhonto viharissāmi kānane. |357.437| Bhāvento satta bojjhaṅge indriyāni balāni ca jhānasukhumasampanno 2- viharissaṃ anāsavo. @Footnote: 1 Ma. Yu. paviddhagocare . 2 Yu. jhānasokhummasampanno. |357.438| Vippamuttaṃ kilesehi suddhacittaṃ anāvilaṃ abhiṇhaṃ paccavekkhanto viharissaṃ anāsavo. |357.439| Ajjhattañca bahiddhā ca ye me vijjhiṃsu 1- āsavā sabbe asesā ucchinnā na ca uppajjare puna. |357.440| Pañcakkhandhā pariññātā tiṭṭhanti chinnamūlakā dukkhakkhayo anuppatto natthidāni punabbhavoti. Nhātakamuni thero.