๑๔. สัพพกามเถรคาถา

[๓๖๐] |๓๖๐.๔๕๓| ๑๔ ทิปาทโกยํ อสุจิ ทุคฺคนฺโธ ปริหีรติ นานากุณปปริปูโร วิสฺสวนฺโต ตโต ตโต ฯ |๓๖๐.๔๕๔| มิคํ นิลีนํ กูเฏน พลิเสเนว อมฺพุชํ วานรํ วิย เลเปน พาธยนฺติ ปุถุชฺชนํ @เชิงอรรถ: ๑ สี. วิรหเต รตฺตึ ฯ ม. ยุ. วิชหเต รตฺตึ ฯ |๓๖๐.๔๕๕| รูปา สทฺทา รสา คนฺธา โผฏฺฐพฺพา จ มโนรมา ปญฺจ กามคุณา เอเต อิตฺถิรูปสฺมึ ทิสฺสเร ฯ |๓๖๐.๔๕๖| เย เอตา อุปเสวนฺติ รตฺตจิตฺตา ปุถุชฺชนา วฑฺเฒนฺติ กฏสึ โฆรํ อาจินนฺติ ปุนพฺภวํ ฯ |๓๖๐.๔๕๗| โย เจตา ๑- ปริวชฺเชติ สปฺปสฺเสว ปทา สิโร โสมํ วิสตฺติกํ โลเก สโต สมติวตฺตติ ฯ |๓๖๐.๔๕๘| กาเมสฺวาทีนวํ ทิสฺวา เนกฺขมฺมํ ทฏฺฐุ เขมโต นิสฺสโฏ สพฺพกาเมหิ ปตฺโต เม อาสวกฺขโยติ ฯ สพฺพกาโม ๒- เถโร ฯ อุทฺทานํ อุรุเวลกสฺสโป จ เถโร ติกิจฺฉกานิ ๓- จ มหานาโค จ กุลฺโล จ มาลุงฺโกฺย ๔- สปฺปทาสโก กาติยาโน จ ๕- มิคชาโล เชนฺโต สุมนสวฺหโย นฺหาตมุนิ พฺรหฺมทตฺโต สิริมณฺโฑ สพฺพกามโก ๒- คาถาโย จตุราสีติ เถรา เจตฺถ จตุทฺทสาติ ฯ ฉกฺกนิปาโต นิฏฺฐิโต ฯ -------------- @เชิงอรรถ: ๑ ยุ. โย เอตา ฯ ๒ ม. สพฺพกามี ฯ ๓ ม. เถโร เต กิจฺฉการิ ฯ ยุ. เถโร @เต ฯ ๔ ม. มาลุกฺโย ฯ สี. ยุ. มาลุโต ฯ ๕ ม. จสทฺโท นตฺถิ ฯ