๒. มโนชชาดก

Yathā cāpo ninnamati jiyā cāpi nikujjati 3- haññate nūna manojo migarājā sakhā mama.

Handadāni vanantāni pakkamāmi yathāsukhaṃ netādisā sakhā honti labbhā me jīvato sakhā.

Na pāpajanasaṃsevī accantaṃ sukhamedhati @Footnote: 1 Ma. sa phāti . 2 Ma. agginikāsiphālimaṃ . 3 Ma. nikūjati. Manojaṃ passa semānaṃ giriyassānusāsanī 1- .

Na pāpasampavaṅkena mātā puttena nandati manojaṃ passa semānaṃ acchannaṃ samhi lohite.

Evamāpajjate poso pāpiyo ca nigacchati yo ve hitāna vacanaṃ na karoti atthadassinaṃ.

Evañca so hoti tatova 2- pāpiyo yo uttamo adhamajanūpasevī passuttamaṃ adhamajanūpaseviṃ 3- migādhipaṃ saravaraveganiddhutaṃ.

Nihīyati puriso nihīnasevī na ca hāyetha kadāci tulyasevī seṭṭhamupagamañca udeti khippaṃ tasmā attano uttaraṃ 4- bhajethāti. Manojajātakaṃ dutiyaṃ.