๓. ธรรมเทวปุตตชาดก

[๑๕๑๕] ยโสกโร ปุญฺญกโรหมสฺมิ สทตฺถุโต ๔ สมณพฺราหฺมณานํ มคฺคารโห เทวมนุสฺสปูชิโต ธมฺโม อหํ เทหิ อธมฺม มคฺคํ ฯ

[๑๕๑๖] อธมฺมยานํ ทฬฺหมารุหิตฺวา อสนฺตสนฺโต พลวาหมสฺมิ ส กิสฺส เหตุมฺหิ ตวชฺช ทชฺชํ มคฺคํ อหํ ธมฺม อทินฺนปุพฺพํ ฯ

[๑๕๑๗] ธมฺโม หเว ปาตุรโหสิ ปุพฺเพฎ #๑ ม. ตถาหํ ฯ ๒ ม. ตยาปิ ฯ ๓ สี. ยุ. ธมฺมชาตกํ ฯ ๔ ม. สทาตฺถุโต ฯ่ ปจฺฉา อธมฺโม อุทปาทิ โลเก เชฏฺโฐ จ เสฏฺโฐ จ สนนฺตโน จ อุยฺยาหิ เชฏฺฐสฺส กนิฏฺฐ มคฺคา

[๑๕๑๘] น ยาจนาย นปิ ปาฏิรูปา น อรหตฺตา ๑ เตหํ ทเทยฺย ๒ มคฺคํ ยุทฺธญฺจ โน โหตุ อุภินฺนมชฺช ยุทฺธสฺมิ โย ชิสฺสติ ๓ ตสฺส มคฺโค ฯ

[๑๕๑๙] สพฺพา ทิสา อนุวิสฺสโฏหมสฺมิ มหพฺพโล อมิตยโส อตุโลฺย คุเณหิ สพฺเพหิ อุเปตรูโป ธมฺโม อธมฺม ตฺวํ กถํ วิเชสฺสสิ ฯ

[๑๕๒๐] โลเหน เว หญฺญติ ชาตรูปํ น ชาตรูเปน หนนฺติ โลหํ สเจ อธมฺโม หญฺญติ ธมฺมมชฺช อโย สุวณฺณํ วิย ทสฺสเนยฺยํ ฯ

[๑๕๒๑] สเจ ตุวํ ยุทฺธพโล อธมฺม ๔ น ตุยฺห วุฑฺฒา จ ครู จ อตฺถิ มคฺคญฺจ เต ทมฺมิ ปิยาปฺปิเยน วาจาทุรุตฺตานิปิ เต ขมามิ ฯ

[๑๕๒๒] อิทญฺจ สุตฺวา วจนํ อธมฺโม #๑ ม. อรหตา ฯ สี. ยุ. น อรหติ ฯ ๒ ม. ทเทยฺยํ ฯ ๓ ม. เชสฺสติ ฯ #๔ สี. ยุทฺธพโลสิธมฺม ฯ ยุ. ยุทฺธพโลสธมฺม ฯ อวํสิโร ปติโต อุทฺธปาโท ยุทฺธตฺถิโกเว ๑ น ลภามิ ยุทฺธํ เอตฺตาวตา โหติ หโต อธมฺโม ฯ

[๑๕๒๓] ขนฺตีพโล ยุทฺธพลํ วิเชตฺวา หนฺตฺวา อธมฺมํ นิหนิตฺว ภูมฺยา ปายาสิ จิตฺโต ๒ อภิรุยฺห สนฺทนํ มคฺเคเนว อติพโล สจฺจนิกฺกโม ฯ

[๑๕๒๔] มาตา ปิตา สมณพฺราหฺมณา จ อสมฺมานิตา ยสฺส สเก อคาเร อิเธว นิกฺขิปฺป สรีรเทหํ กายสฺส เภทา นิรยํ วชนฺติ เต ยถา อธมฺโม ปติโต อวํสิโร ฯ

[๑๕๒๕] มาตา ปิตา สมณพฺราหฺมณา จ สุสมฺมานิตา ยสฺส สเก อคาเร อิเธว นิกฺขิปฺป สรีรเทหํ กายสฺส เภทา สุคตึ วชนฺติ เต ยถาปิ ธมฺโม อภิรุยฺห สนฺทนนฺติ ฯ8 ธมฺมเทวปุตฺตชาตกํ ตติยํ ฯ ____________ #๑ ม. ...เจ ฯ ๒ ม. วิตฺโต ฯ ๔ อุทยชาตกํ