สิกขาบทที่ ๑๒ เรื่องภิกษุณีหลายรูป

{๑๒๑๙-๑๒๒๓} ทฺวาทสเม ฯ อโนกาสกตนฺติ อสุกสฺมึ นาม ฐาเน ปุจฺฉามีติ เอวํ อกตโอกาสํ ฯ เตเนวาห อโนกาสกตนฺติ อนาปุจฺฉาติ ฯ อนุทฺทิสฺสาติ อสุกสฺมึ นาม ฐาเน ปุจฺฉามีติ เอวํ อนิยเมตฺวา เกวลํ ปุจฺฉิตพฺพํ อตฺถิ ปุจฺฉามิ อยฺยาติ เอวํ วตฺวา ฯ เสสํ อุตฺตานเมว ฯ ปทโสธมฺมสมุฏฺฐานํ วาจโต วาจาจิตฺตโต จ สมุฏฺฐาติ กิริยากิริยํ โนสญฺญาวิโมกฺขํ อจิตฺตกํ ปณฺณตฺติวชฺชํ วจีกมฺมํ ติจิตฺตํ ติเวทนนฺติ ฯ

ทฺวาทสมํ ฯ