สิกขาบทที่ ๑๒ เรื่องภิกษุณีหลายรูป

{1219-1223} Dvādasame. Anokāsakatanti asukasmiṃ nāma ṭhāne pucchāmīti evaṃ akataokāsaṃ. Tenevāha anokāsakatanti anāpucchāti. Anuddissāti asukasmiṃ nāma ṭhāne pucchāmīti evaṃ aniyametvā kevalaṃ pucchitabbaṃ atthi pucchāmi ayyāti evaṃ vatvā. Sesaṃ uttānameva. Padasodhammasamuṭṭhānaṃ vācato vācācittato ca samuṭṭhāti kiriyākiriyaṃ nosaññāvimokkhaṃ acittakaṃ paṇṇattivajjaṃ vacīkammaṃ ticittaṃ tivedananti.

Dvādasamaṃ.