สิกขาบทที่ ๑๒ เรื่องภิกษุณีหลายรูป

TIPITAKA Volume 3 : PALI ROMAN Vinaya Pitaka Vol 3 : Vinaya. Bhikkhunī Chattupāhanavaggassa dvādasamasikkhāpadaṃ

[476] Tena samayena buddho bhagavā sāvatthiyaṃ viharati jetavane anāthapiṇḍikassa ārāme . tena kho pana samayena bhikkhuniyo anokāsakataṃ bhikkhuṃ pañhaṃ pucchanti . bhikkhū ujjhāyanti khīyanti vipācenti kathaṃ hi nāma bhikkhuniyo anokāsakataṃ bhikkhuṃ pañhaṃ pucchissantīti .pe. saccaṃ kira bhikkhave bhikkhuniyo anokāsakataṃ bhikkhuṃ @Footnote: 1 Ma. Yu. chamāyapi. Pañhaṃ pucchantīti . saccaṃ bhagavāti . vigarahi buddho bhagavā kathaṃ hi nāma bhikkhave bhikkhuniyo anokāsakataṃ bhikkhuṃ pañhaṃ pucchissanti netaṃ bhikkhave appasannānaṃ vā pasādāya .pe. evañca pana bhikkhave bhikkhuniyo imaṃ sikkhāpadaṃ uddisantu {476.1} yā pana bhikkhunī anokāsakataṃ bhikkhuṃ pañhaṃ puccheyya pācittiyanti.