๕. มุฏฐิปุปผิยเถราปทาน (๑๐๕)

|107.24| Sudassanoti nāmena mālākāro ahaṃ tadā addasaṃ virajaṃ buddhaṃ lokajeṭṭhaṃ narāsabhaṃ. |107.25| Jātipupphaṃ gahetvāna pūjayiṃ padumuttaraṃ visuddhacakkhu sumano dibbacakkhuṃ samajjhagaṃ. |107.26| Etissā buddhapūjāya cittassa paṇidhīhi ca kappānaṃ satasahassaṃ duggatiṃ nūpapajjahaṃ. |107.27| Soḷasāsiṃsu rājāno devuttarasanāmakā chattiṃsamhi ito kappe cakkavattī mahabbalā. |107.28| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā muṭṭhipupphiyo thero imā gāthāyo abhāsitthāti. Muṭṭhipupphiyattherassa apadānaṃ samattaṃ.