ผลญาณกถา

Sāvakassa phale ñāṇaṃ atthīti . āmantā . Sāvako phalassakataṃ paññāpetīti . na hevaṃ vattabbe .pe. sāvakassa phale ñāṇaṃ atthīti . āmantā . atthi sāvakassa phalaparopariyattaṃ 1- @Footnote: 1 Ma. phalaparopariyatti. (īdisoyeva parato padesu ikārantāgamo.) Indriyaparopariyattaṃ puggalaparopariyattanti . na hevaṃ vattabbe .pe. sāvakassa phale ñāṇaṃ atthīti . āmantā . atthi sāvakassa khandhapaññatti āyatanapaññatti dhātupaññatti saccapaññatti indriyapaññatti puggalapaññattīti . na hevaṃ vattabbe .pe. Sāvakassa phale ñāṇaṃ atthīti . āmantā . sāvako jino satthā sammāsambuddho sabbaññū sabbadassāvī dhammasāmī dhammapaṭisaraṇoti . Na hevaṃ vattabbe .pe. sāvakassa phale ñāṇaṃ atthīti. Āmantā. Sāvako anuppannassa maggassa uppādetā asañjātassa maggassa sañjanetā anakkhātassa maggassa akkhātā maggaññū maggavidū maggakovidoti. Na hevaṃ vattabbe .pe.

Na vattabbaṃ sāvakassa phale ñāṇaṃ atthīti. Āmantā. Sāvako aññāṇīti . na hevaṃ vattabbe .pe. tena hi sāvakassa phale ñāṇaṃ atthīti. Phalañāṇakathā. Pañcamo vaggo. Tassa uddānaṃ vimuttiñāṇaṃ vimuttaṃ sekkhassa asekkhaṃ ñāṇaṃ viparīteñāṇaṃ aniyatassa niyāmagamanāya atthi ñāṇaṃ sabbaṃ ñāṇaṃ paṭisambhidāti sammatiñāṇaṃ cetopariyāye ñāṇaṃ anāgate ñāṇaṃ Paccuppanne ñāṇaṃ sāvakassa phale ñāṇanti. Mahāpaṇṇāsako. Sattūpaladdhi upahāro balaṃ gihissa arahā ca vimuttipañcamaṃ. ---------