ปิฏฐิทุกเหตุทุกะ

๖. ทุกทุกปฏฺฐานวณฺณนา

ทุกทุกปฏฺฐาเนปิ เหตุสเหตุกํ ธมฺมํ ปฏิจฺจ เหตุสเหตุโก ธมฺโม อุปฺปชฺชติ เหตุปจฺจยาติ ปญฺหุทฺธารวเสเนว สงฺเขปโต เทสนา กตา. ตตฺถ เหตุทุกํ สเหตุกทุกาทีหิ สเหตุกทุกาทโย ๑- จ เตน สทฺธึ โยชิตา. ๒- เอเกกํ ปน ทุกํ เสเสหิ เสสา จ เตหิ สทฺธึ ปฏิปาฏิยา โยเชตพฺพา. อิทญฺหิ ทุกทุกปฏฺฐานํ นาม ทุเกสุเยว ทุเก ปกฺขิปิตฺวา เทสิตํ. เตเนตฺถ สพฺพทุเกหิ สทฺธึ สพฺพทุกานํ โยชนา เวทิตพฺพา. ปาลิ ปน สงฺขิตฺตา. เยน เยน จ ปเทน สทฺธึ ยํ ยํ ปทํ โยชนํ น คจฺฉติ, ตํ ตํ หาเปตฺวาว เทสนา กตาติ.

ทุกทุกปฏฺฐานวณฺณนา นิฏฺฐิตา.

อนุโลมปฏฺฐานวณฺณนา

เอตฺตาวตา:-

ติกญฺจ ปฏฺฐานวรํ ทุกุตฺตมํ

ทุกํ ติกญฺเจว ติกํ ทุกญฺจ

ติกํ ติกญฺเจว ทุกํ ทุกญฺจ

ฉ อนุโลมมฺหิ นยา สุคมฺภีราติ

@เชิงอรรถ: ๑ ฉ.ม. สเหตุกทุกาทีนิ ๒ ฉ.ม. โยชิตานิ อฏฺฐกถายํ วุตฺตคาถาย ทีปิตา ธมฺมานุโลมปฏฺฐาเน ฉ นยา นิทฺทิฏฺฐา โหนฺติ. ปจฺจยวเสน ปเนตฺถ เอเกกสฺมึ ปฏฺฐาเน อนุโลมาทโย จตฺตาโร จตฺตาโร นยาติ เอเกน ปริยาเยน จตุวีสตินยปฏิมณฺฑิตํ อนุโลมปฏฺฐานํเยว เวทิตพฺพนฺติ. ๑-

อนุโลมปฏฺฐานวณฺณนา นิฏฺฐิตา.