ปิฏฐิทุกเหตุทุกะ

6. Dukadukapaṭṭhānavaṇṇanā

dukadukapaṭṭhānepi hetusahetukaṃ dhammaṃ paṭicca hetusahetuko dhammo uppajjati hetupaccayāti pañhuddhāravaseneva saṅkhepato desanā katā. Tattha hetudukaṃ sahetukadukādīhi sahetukadukādayo 1- ca tena saddhiṃ yojitā. 2- Ekekaṃ pana dukaṃ sesehi sesā ca tehi saddhiṃ paṭipāṭiyā yojetabbā. Idañhi dukadukapaṭṭhānaṃ nāma dukesuyeva duke pakkhipitvā desitaṃ. Tenettha sabbadukehi saddhiṃ sabbadukānaṃ yojanā veditabbā. Pāli pana saṅkhittā. Yena yena ca padena saddhiṃ yaṃ yaṃ padaṃ yojanaṃ na gacchati, taṃ taṃ hāpetvāva desanā katāti.

Dukadukapaṭṭhānavaṇṇanā niṭṭhitā.

Anulomapaṭṭhānavaṇṇanā

ettāvatā:-

tikañca paṭṭhānavaraṃ dukuttamaṃ

dukaṃ tikañceva tikaṃ dukañca

tikaṃ tikañceva dukaṃ dukañca

cha anulomamhi nayā sugambhīrāti

@Footnote: 1 cha.Ma. sahetukadukādīni 2 cha.Ma. yojitāni Aṭṭhakathāyaṃ vuttagāthāya dīpitā dhammānulomapaṭṭhāne cha nayā niddiṭṭhā honti. Paccayavasena panettha ekekasmiṃ paṭṭhāne anulomādayo cattāro cattāro nayāti ekena pariyāyena catuvīsatinayapaṭimaṇḍitaṃ anulomapaṭṭhānaṃyeva veditabbanti. 1-

Anulomapaṭṭhānavaṇṇanā niṭṭhitā.