ทำวัตรเช้า

บทนอบน้อมพระพุทธเจ้า

1. นะโม ตัสสะ ภะคะวะโต,
2. อะระหะโต,
3. สัมมาสัมพุทธัสสะ.

1. (ว่า ๓ ครั้ง)

พระพุทธคุณ ๙ บท

1. โย โส ตะถาคะโต,
2. อะระหัง,
3. สัมมาสัมพุทโธ,
4. วิชชาจะระณะสัมปันโน,
5. สุคะโต,
6. โลกะวิทู,
7. อะนุตตะโร ปุริสะทัมมะสาระถิ,
8. สัตถา เทวะมะนุสสานัง,
9. พุทโธ,
10. ภะคะวา,

การตรัสรู้และประกาศธรรมแก่โลก

1. โย อิมัง โลกัง สะเทวะกัง สะมาระกัง สะพ๎รัห๎มะกัง, สัสสะมะณะพ๎ราห๎มะณิง ปะชัง สะเทวะมะนุสสัง สะยัง อะภิญญา สัจฉิกัต๎วา ปะเวเทสิ,

ลักษณะพระธรรมที่ทรงแสดง

1. โย ธัมมัง เทเสสิ,
2. อาทิกัล๎ยาณัง,
3. มัชเฌกัล๎ยาณัง,
4. ปะริโยสานะกัล๎ยาณัง,
5. สาตถัง สะพ๎ยัญชะนัง เกวะละปะริปุณณัง ปะริสุทธัง พ๎รัห๎มะจะริยัง ปะกาเสสิ,

คำบูชาและนอบน้อมพระพุทธเจ้า

1. ตะมะหัง ภะคะวันตัง อะภิปูชะยามิ,
2. ตะมะหัง ภะคะวันตัง สิระสา นะมามิ.

1. (กราบระลึกพระพุทธคุณ)

พระธรรมคุณ ๖ ประการ

1. โย โส ส๎วากขาโต ภะคะวะตา ธัมโม,
2. สันทิฏฐิโก,
3. อะกาลิโก,
4. เอหิปัสสิโก,
5. โอปะนะยิโก,
6. ปัจจัตตัง เวทิตัพโพ วิญญูหิ,

คำบูชาและนอบน้อมพระธรรม

1. ตะมะหัง ธัมมัง อะภิปูชะยามิ,
2. ตะมะหัง ธัมมัง สิระสา นะมามิ.

1. (กราบระลึกพระธรรมคุณ)

พระสังฆคุณ ๙ ประการ

1. โย โส สุปะฏิปันโน ภะคะวะโต สาวะกะสังโฆ,
2. อุชุปะฏิปันโน ภะคะวะโต สาวะกะสังโฆ,
3. ญายะปะฏิปันโน ภะคะวะโต สาวะกะสังโฆ,
4. สามีจิปะฏิปันโน ภะคะวะโต สาวะกะสังโฆ,
5. ยะทิทัง,
6. จัตตาริ ปุริสะยุคานิ อัฏฐะ ปุริสะปุคคะลา,
7. เอสะ ภะคะวะโต สาวะกะสังโฆ,
8. อาหุเนยโย,
9. ปาหุเนยโย,
10. ทักขิเณยโย,
11. อัญชะลิกะระณีโย,
12. อะนุตตะรัง ปุญญักเขตตัง โลกัสสะ,

คำบูชาและนอบน้อมพระสงฆ์

1. ตะมะหัง สังฆัง อะภิปูชะยามิ,
2. ตะมะหัง สังฆัง สิระสา นะมามิ.

1. (กราบระลึกพระสังฆคุณ)

คาถานอบน้อมพระพุทธเจ้า

1. พุทโธ สุสุทโธ กะรุณามะหัณณะโว,
2. โยจจันตะสุทธัพพะระญาณะโลจะโน,
3. โลกัสสะ ปาปูปะกิเลสะฆาตะโก,
4. วันทามิ พุทธัง อะหะมาทะเรนะ ตัง.

คาถานอบน้อมพระธรรม

1. ธัมโม ปะทีโป วิยะ ตัสสะ สัตถุโน,
2. โย มัคคะปากามะตะเภทะภินนะโก,
3. โลกุตตะโร โย จะ ตะทัตถะทีปะโน,
4. วันทามิ ธัมมัง อะหะมาทะเรนะ ตัง.

คาถานอบน้อมพระสงฆ์

1. สังโฆ สุเขตตาภ๎ยะติเขตตะสัญญิโต,
2. โย ทิฏฐะสันโต สุคะตานุโพธะโก,
3. โลลัปปะหีโน อะริโย สุเมธะโส,
4. วันทามิ สังฆัง อะหะมาทะเรนะ ตัง.

คาถาอธิษฐานปิดท้าย

1. อิจเจวะเมกันตะภิปูชะเนยยะกัง, วัตถุตตะยัง วันทะยะตาภิสังขะตัง, ปุญญัง มะยา ยัง มะมะ สัพพุปัททะวา, มา โหนตุ เว ตัสสะ ปะภาวะสิทธิยา.

บทพิจารณาความทุกข์

1. ชาติปิ ทุกขา,
2. ชะราปิ ทุกขา,
3. มะระณัมปิ ทุกขัง,
4. โสกะปะริเทวะทุกขะโทมะนัสสุปายาสาปิ ทุกขา,
5. อัปปิเยหิ สัมปะโยโค ทุกโข,
6. ปิเยหิ วิปปะโยโค ทุกโข,
7. ยัมปิจฉัง นะ ละภะติ ตัมปิ ทุกขัง,
8. สังขิตเตนะ ปัญจุปาทานักขันธา ทุกขา,

บทแสดงอุปาทานขันธ์ ๕

1. เสยยะถีทัง,
2. รูปูปาทานักขันโธ,
3. เวทะนูปาทานักขันโธ,
4. สัญญูปาทานักขันโธ,
5. สังขารูปาทานักขันโธ,
6. วิญญาณูปาทานักขันโธ,

บทพระโอวาทว่าด้วยความไม่เที่ยงและอนัตตา

1. เยสัง ปะริญญายะ,
2. ธะระมาโน โส ภะคะวา,
3. เอวัง พะหุลัง สาวะเก วิเนติ,
4. เอวัง ภาคา จะ ปะนัสสะ ภะคะวะโต สาวะเกสุ อะนุสาสะนี พะหุลัง ปะวัตตะติ,
5. รูปัง อะนิจจัง,
6. เวทะนา อะนิจจา,
7. สัญญา อะนิจจา,
8. สังขารา อะนิจจา,
9. วิญญาณัง อะนิจจัง,
10. รูปัง อะนัตตา,
11. เวทะนา อะนัตตา,
12. สัญญา อะนัตตา,
13. สังขารา อะนัตตา,
14. วิญญาณัง อะนัตตา,
15. สัพเพ สังขารา อะนิจจา,
16. สัพเพ ธัมมา อะนัตตาติ,"
17. เต มะยัง โอติณณามหะ,
18. ชาติยา,
19. ชะรามะระเณนะ,
20. โสเกหิ ปะริเทเวหิ ทุกเขหิ โทมะนัสเสหิ อุปายาเสหิ,
21. ทุกโขติณณา,
22. ทุกขะปะเรตา,
23. "อัปเปวะนามิมัสสะ เกวะลัสสะ ทุกขักขันธัสสะ อันตะกิริยา ปัญญาเยถาติ,"

บทปฏิญาณสวดสำหรับอุบาสก-อุบาสิกา

1. จิระปะรินิพพุตัมปิ ตัง ภะคะวันตัง สะระณังคะตา,
2. ธัมมัญจะ สังฆัญจะ,
3. ตัสสะ ภะคะวะโต สาสะนัง ยะถาสะติ ยะถาพะลัง มะนะสิกะโรมะ อะนุปะฏิปัชชามะ,
4. สา สา โน ปะฏิปัตติ,
5. อิมัสสะ เกวะลัสสะ ทุกขักขันธัสสะ อันตะกิริยายะ สังวัตตะตุ.

อุทิศส่วนบุญให้สรรพสัตว์ไม่มีประมาณ

1. ปุญญัสสิทานิ กะตัสสะ, ยานัญญานิ กะตานิ เม, เตสัญจะ ภาคิโน โหนตุ, สัตตานันตาปปะมาณะกา.

ระบุผู้รับส่วนบุญ (ที่รัก มีคุณ เป็นกลาง เป็นคู่เวร)

1. เย ปิยา คุณะวันตา จะ, มัยหัง มาตาปิตาทะโย, ทิฏฐา เม จาปยะทิฏฐา วา, อัญเญ มัชฌัตตะเวริโน.

สัตว์ในภูมิ กำเนิด และขันธ์ต่าง ๆ ที่ท่องเที่ยวในภพภูมิ

1. สัตตา ติฏฐันติ โลกัสมิง, เตภุมมา จะตุโยนิกา, ปัญเจกะจะตุโวการา, สังสะรันตา ภะวาภะเว.

ผู้รู้และผู้ไม่รู้ส่วนบุญที่อุทิศให้

1. ญาตัง เย ปัตติทานัมเม, อะนุโมทันตุ เต สะยัง, เย จิมัง นัปปะชานันติ, เทวา เตสัง นิเวทะยุง.

คำอวยพรจากการอนุโมทนา

1. มะยา ทินนานะ ปุญญานัง, อะนุโมทะนะเหตุนา, สัพเพ สัตตา สะทา โหนตุ, อะเวรา สุขะชีวิโน, เขมัปปะทัญจะ ปัปโปนตุ, เตสาสา สิชฌะตัง สุภา.