๘. วิชยาเถรีคาถา

TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā

[458] |458.169| 8 Catukkhattuṃ pañcakkhattuṃ vihārā upanikkhamiṃ aladdhā cetaso santiṃ citte avasavattinī. |458.170| Bhikkhuniṃ upasaṅkamma sakkaccaṃ paripucchahaṃ sā me dhammamadesesi dhātuāyatanāni ca |458.171| cattāri ariyasaccāni indriyāni balāni ca bojjhaṅgaṭṭhaṅgikaṃ maggaṃ uttamatthassa pattiyā. @Footnote: 1 Ma. hitvā puttaṃ visuṃ piyaṃ . 2 Ma. diṭṭheva dhamme. |458.172| Tassāhaṃ vacanaṃ sutvā karontī anusāsaniṃ rattiyā purime yāme pubbajātimanussariṃ |458.173| rattiyā majjhime yāme dibbacakkhuṃ visodhayiṃ rattiyā pacchime yāme tamokkhandhaṃ padālayiṃ |458.174| pītisukhena ca kāyaṃ pharitvā vihariṃ tadā sattamiyā pāde pasāresiṃ 1- tamokkhandhaṃ padāliya. Vijayā. Chakkanipāto samatto. ----------------